Wednesday, January 1, 2014

ಶುಭ ವಿದಾಯ

ಹದಿಮೂರು ಅಶುಭವಂತೆ ಯಾರದೋ ಉವಾಚ
ನನಗಾದರೋ ಅದು ಸದಾ ಶುಭ ಶಕುನ
ಹನ್ನೆರಡು ಕೊಡದನ್ನು ಹದಿಮೂರು ಕೊಟ್ಟಿದೆ
ಪ್ರೀತಿ ಪ್ರೇಮ ಸಹನೆ ಅಕ್ಕರೆ ಹೆಚ್ಚಿಸಿದೆ
ಎರಡು ಜೀವದ ಪ್ರೀತಿಯನು ಮೂರಾಗಿಸಿದೆ

ಮುಗಿದುಹೋಗುತಿದೆ ೨೦೧೩
ನೆನಪಿನ ಬುತ್ತಿಯನು ಮನದೊಳಗೆ ಬಿಡುತ್ತಾ
ಬೇಕಾದ್ದು ಆರಿಸಿಕೊ ಎಂಬ ಆಯ್ಕೆಯ ನೀಡುತ್ತಾ
ಕಟ್ಟಿಕೊಳ್ಳುತಿಹೆನು ತಿಂದ ಸಿಹಿ ನೆನಹುಗಳನು
ಮರೆಯಲಾಗದ ಮಧುರ ಕ್ಷಣಗಳನ್ನು

ಹದಿಮೂರರ ಸವಿಯ ನೆನೆಯುತ್ತಾ
೨೦೧೪ ಕ್ಕೆ ಆದರದ ಸ್ವಾಗತ
ಹದಿಮೂರು ಎಂದಿಗೂ ಅವಿಸ್ಮರಣೀಯ
ನಿನಗಿದೋ ಪ್ರೀತಿಯ ಶುಭ ವಿದಾಯ!!

No comments:

Post a Comment