ಅಪ್ಪ!

ಕೈ ಹಿಡಿದು ನಡೆಸುವಾಗ

ಹಾರಲು ಪ್ರೇರೇಪಿಸಿದೆ

ಲೇಖನಿಯನು ಹಿಡಿಯವಾಗ                    

ಕವಿತೆಗೆ ಸ್ಫೂರ್ತಿಯಾದೆ

ಬದುಕ ಬವಣೆ ತಿಳಿಸಲು

ನಿನ್ನ ಕಥೆಯ ಹೇಳಿದೆ

ನಮ್ಮ ಸುಖದ ಬದುಕಲೂ

ಗುರಿಯ ಅರಿವು ಮೂಡಿಸಿದೆ

ನನಗೇ ಇರದ ಭರವಸೆಯನು

ನೀನು ನನ್ನಲಿ ಇರಿಸಿದೆ

ಪುಟ್ಟ ದಿಣ್ಣೆ ನೋಡುತಿರಲು

ಬೆಟ್ಟದ ಕನಸನು ಬಿತ್ತಿದೆ

ನಿನ್ನ ಉತ್ಸಾಹದ ಕುಲುಮೆ

ಸದಾ ಜಿನುಗುವ ಸಹನೆಯ ಚಿಲುಮೆ

ನಿರಂತರ ಪರಿಶ್ರಮದ ಸಾಧನಾಪಥ

ನಮಗಾಯಿತು ದಾರಿದೀಪ ಅನವರತ

ಅಂತರ್ಜಾಲವೇ ಇಲ್ಲದಿರುವಾಗ

ಆಗಿದ್ದೆ ನೀ ನನ್ನ ವಿಕಿಪೀಡಿಯಾ ಗೂಗಲ್ಲು

ಇಂದಿನ ಸುಂದರ ಬಾಳಿಗೆ ಕಾರಣ

ನೀನು ಹಾಕಿದ ಭದ್ರ ಅಡಿಗಲ್ಲು!!