ದಸರಾ ರಜೆಯೆಂದರೆ..

ದಸರಾ ರಜೆಯೆಂದರೆ,

ಶಾರದೆ, ನವದುರ್ಗೆಯರ

ಅಂದವ ಕಣ್ತುಂಬಿಕೊಂಡು

ಅನ್ನಪ್ರಸಾದವ ಸವಿದುಂಡು

ಮೈಮನ ಪುಳಕವಾಗಿಸುವುದು

ಜನಜಂಗುಳಿಯ ನಡುವೆ 

ಹಳೆಯ ಗೆಳತಿಯ ಗುರುತಿಸಿ

ಎದುರು ನಿಂತ ಸಂತಸದಲಿ

ಮಾತು ಮರೆತುಹೋಗುವುದು

ಮಕ್ಕಳಾಟವನು ನೋಡುತಾ

ಅವರ ಜೊತೆ ಆಟವಾಡುತಾ

ನಮ್ಮ ಕಳೆದ ಬಾಲ್ಯವನು 

ಮತ್ತೆ ಅನುಭವಿಸುವುದು

ಐದು ದಿನದ ಅವಧಿಯಲಿ

ಐವತ್ತು ಜನರನು ಭೇಟಿಯಾಗಿ

ಮಧುರ ಕ್ಷಣಗಳನು ಕಟ್ಟಿಕೊಳುವುದು

ಮೆಲುಕು ಹಾಕಲು ಮತ್ತೆ ಮತ್ತೆ!!