ಊರಿಂದ ಹೊರಟಾಗ...

ಹೆದ್ದಾರಿಯಲ್ಲಿ ಓವರ್ ಟೇಕ್
ಮಾಡುವ ವಾಹನಗಳ ವೇಗ
ಮನಸ್ಸಿನಲ್ಲಿ ಕಳೆದ ವಾರದ
ಸವಿನೆನಪುಗಳ ಓಘ..

ಕಡಲತಡಿಯಲಿ ಕಳೆದ ಮಧುರ ಸಂಜೆ
ಎಲ್ಲರನ್ನೂ ಮತ್ತೆ ಭೇಟಿಮಾಡಿಸಿದ ಮುಂಜಿ
ರಾತ್ರಿ ನೋಡಿದ ತೇರು, ಜಾತ್ರೆಯ ಚೆಲುವು
ಅಪರಾತ್ರಿಯಾದರೂ ಕರೆವ ಅಕ್ಕನ ಒಲವು

ವರುಷಗಳ ನಂತರ ಸಿಕ್ಕ ಗೆಳೆಯರು
ಆಡಿದ ಮಾತುಗಳು ನೂರಾರು
ಬಾಕಿ ಉಳಿದಿವೆ ಇನ್ನೂ ಹಲವಾರು
ಮಾಡಿದೆ ಮುಂದಿನ ಭೇಟಿ ಜರೂರು

ಮಾಡಿ ಪಂಚವಿಧ ಭಕ್ಶ್ಯ ಭೋಜನ
ಆದರಿಸಿ ಕರೆವರು ಅತ್ತೆ ದೊಡ್ಡಮ್ಮ
ಪಟ್ಟಿ ಮಾಡಿ ಮಿಸ್ಸಾಗದಂತೆ ಯಾವುದೇ ಐಟಮ್ಮು
ಮಾವು ಹಲಸು ಉಂಡೆ ತುಂಬಿ ಕೊಡುವ ಅಮ್ಮ

ಕಿಚಿ ಕಿಚಿ ಶೆಖೆಗೆ ಹಾಯೆನಿಸುವಂತೆ ಎ.ಸಿ.ಯ ತಂಪು
ಧಾವಂತದ ದಿನಚರಿಗೆ ಒಂದು ವಾರ ರಜೆಯ ಕಂಪು
ನಾಳೆಯ ಸೂರ್ಯ ತರುವನು ಹೊಸ ಉತ್ಸಾಹ
ಮತ್ತೆ ಮೂಡುವುದು ನವಚೈತನ್ಯ ನಿಸ್ಸಂದೇಹ!